"Arsenal" hujumchisi Aleksandr Lyakazett Per-Emerik Obameyangning "Barselona"ga ketganiga munosabat bildirdi. Gabonlik erkin agent sifatida "ko‘k anorranglilar" safiga ko‘chib o‘tdi va 2025 yilning yoziga qadar shartnoma imzoladi.

“Do‘stim, so‘nggi to‘rt yil uchun rahmat. Sensiz bu klubdagi tarixim butunlay boshqacha bo‘lardi. Yangi jamoada omad. O‘ylaymanki, biz tez orada ko‘rishamiz”, — deb yozdi fransiyalik futbolchi tvitterda.

Eslatib o‘tamiz, Obameyang London jamoasini janjal bilan tark etgandi. Avvaliga u sardorlik bog‘ichidan mahrum qilindi, keyin esa intizomni buzgani uchun jamoa bilan ishlashdan chetlashtirildi.