“Vest Xem” hujumchisi Andrey Yarmolenko Angliya futbol assosiasiyasi tomonidan bukmekerlik kompaniyasini reklama qilganlikda ayblandi, deya xabar bermoqda tashkilot rasmiy sayti.
Qayd etilishicha, futbolchi assosiasiya qoidalarining 8.5 bandini buzgan. Xabarda aytilishicha, futbolchi ingliz futboli vakili sifatida bukmekerlar bilan hamkorlik qilishga haqqi yo‘q edi. Ma’lum bo‘lishicha, futbolchi Ukrainaning bukmekrlik kompaniyalaridan biri bilan shartnoma tuzgan.
Yarmolenko bu ayblovlarga 18 fevralgacha javob berishi kerak. 32 yoshli ukrainalik futbolchi joriy mavsumda “Vest Xem” safida barcha turnirlarda 21 ta o‘yinda maydonga tushdi va 1 ta gol hamda 3 ta golli uzatmaga mualliflik qildi.
