Kecha Angliya kubogi 1/16 finalidan o‘rin olgan "Manchester Yunayted" – "Midlsbro" uchrashuvi bo‘lib o‘tdi. O‘yinning asosiy va qo‘shimcha bo‘limlari 1:1 hisobidagi durang bilan yakunlandi. Penaltilar seriyasida esa omad "Midlsbro"ga kulib boqdi va jamoa 8:7 hisobida g‘alabaga erishdi.
"Squawka" statistik portali ma’lumotlariga ko‘ra, o‘yin davomida Krishtianu Ronaldu 10 marta, Markus Reshford va Bruno Fernandesh 6 martadan "Midlsbro" darvozasiga jami 22 ta zarba yo‘llashdi. Biroq, bu zarbalarning birortasi gol bilan yakunlanmadi.
"Midlsbro"ning keyingi bosqichdagi raqibi qur’a tashlash orqali aniqlanadi.
