Madridning «Real» klubi bosh murabbiyi Karlo Anchelotti Ispaniya Kubogi doirasida «Atletik» (0:1) jamoasiga qarshi maydon tushirilgan tarkib borasida bildirilgan tanqidlar haqida gapirdi.

«Ha, haqiqatdan ham men bir xil futbolchilardan ko‘p foydalandi. Ayrim futbolchilarning maydonga ko‘p tushmaganliklari ham ayni haqiqat.

Lekin, qayd eetish kerakki, yanvar oyi biz uchun og‘ir keldi. Biz Superkubok va Ispaniya Kubogida o‘ynadik, braziliyalik futbolchilar o‘z terma jamoalari ixtiyoriga ketishdi.

Endi yanvar oyi ortda qoldi, biz endi boshqa tartibda ishlaymiz. Kechagi bahsda to‘g‘ri tarkib tanladim deb hisoblayman. Men mashg‘ulotlarda ishlayotgan yigitlarni ko‘rib, keyin qaror qabul qilaman.

«Atletik»ka qarshi o‘yinda Vinisiusni maydonga tushirib biroz tavakkalchilikka qo‘l urdim. Buni haqiqatdan ham muhokama qilsa bo‘ladi, chunki biroz charchoq alomatlari borligini bilgandim.

Boshqa futbolchilar haqida gapiradigan bo‘lsam, buni muhokama qilish shart emas, chunki, Kazemiro va Rodrigo Braziliya terma jamoasining so‘nggi o‘yinida o‘ynashmadi  (Rodrigo uchrashuvning 82-daqiqasida maydonga tushgan – muallifi), markaziy hujum pozisiyasida esa tezkor futbolchini ko‘rishni xohlagandim.

Rotasiya - qachongi futbolchilarga ishonch bildirmayotganingda yuzaga keladi. Yuqorida aytganimdek, yanvar oyida futbolchilar charchagandi, chunki, ko‘plab o‘yinlar, safarlar, turnirlar va jarohatlanganlar bo‘ldi.

Fevral oyi keldi va mana endi tarkibga ishonishimiz mumkin" - dedi Anchelotti.