«Manchester Yunayted»ga qarshi kubok o‘yini arafasida «Midlsbro» himoyachisi Dael Fray «Manchester Yunayted» yulduzi Krishtianu Ronaldu bilan uchrashuvni intiqlik bilan kutayotgani haqida aytgandi. «Old Trafford»dagi o‘yindan so‘ng Fray Ronaldu haqida yana fikr bildirdi.
- Rostini aytsam, butun o‘yin davomida unga hech narsa demadim. Unga yaqinlasharkanman, «Voy, judayam jismoniy baquvvat ekan» deb o‘yladim. Bu ajoyib o‘yin bo‘lib, doim esimda qoladi, dedi Fray BBC Radio Tees Sport telekanaliga bergan intervyusida.
Eslatib o‘tamiz, juma oqshomida «Midlsbro» «Old Trafford»da penaltilar seriyasiga ko‘ra MYU ustidan g‘alaba qozondi va Angliya kubogining navbatdagi bosqichiga yo‘l oldi.
