«Roma» bosh murabbiyi Joze Mourinyo jamoasining «Jenoa»ga qarshi o‘yinidan norozi bo‘ldi. «Bo‘rilar» Italiya A seriyasining 24-turi doirasida «griffonlar» darvozasiga yo‘l topolmadi. Qo‘shib berilgan vaqtda ularning kiritlgan yagona goli VAR tomonidan bekor qilindi. Portugaliyalik mutaxassis o‘z fikrini bildirib, hakamlar brigadasining qaroridan noroziligini aytdi.
«Endi bu futbol emas, keling, uni boshqa narsa deb ataymiz. Agar o‘sha epizodda haqiqatan ham qo‘pollik sodir bo‘lgan bo‘lsa, demak, bizning davrdagi futbol juda o‘zgargan. Qolaversa, bu biz bilan birinchi marta sodir bo‘layotgani yo‘q. «Roma» chempionat rahbarlari nazarida kichik klub, degan fikr bilan so‘zimni yakunlayman. Italiyaga kelgan keksa Mourinyo endi yo‘q», - dedi murabbiy o‘yindan keyingi matbuot anjumanida.
