«Рома» бош мураббийи Жозе Моуриньо жамоасининг «Женоа»га қарши ўйинидан норози бўлди. «Бўрилар» Италия А сериясининг 24-тури доирасида «гриффонлар» дарвозасига йўл тополмади. Қўшиб берилган вақтда уларнинг киритлган ягона голи ВАР томонидан бекор қилинди. Португалиялик мутахассис ўз фикрини билдириб, ҳакамлар бригадасининг қароридан норозилигини айтди.
«Энди бу футбол эмас, келинг, уни бошқа нарса деб атаймиз. Агар ўша эпизодда ҳақиқатан ҳам қўполлик содир бўлган бўлса, демак, бизнинг даврдаги футбол жуда ўзгарган. Қолаверса, бу биз билан биринчи марта содир бўлаётгани йўқ. «Рома» чемпионат раҳбарлари назарида кичик клуб, деган фикр билан сўзимни якунлайман. Италияга келган кекса Моуриньо энди йўқ», - деди мураббий ўйиндан кейинги матбуот анжуманида.
