"Atalanta" bosh murabbiyi Jan Pero Gasperini qishki transfer oynasida jamoaga kelib qo‘shilgan hujumchi Jeremi Boga haqida gapirdi.
"Uning kelganidan juda xursandmiz, u bir muddat o‘yindan tashqarida edi, lekin o‘z fazilatlarini ko‘rsatib bo‘ldi. U hozir ham tezligi, ham driblingi tufayli foydali bo‘lishi mumkin. U jismoniy holati bo‘yicha eng yaxshi formada emas, lekin u jamoaning bir qismiga aylanishi kerak bo‘ladi", - deya Gasperinining so‘zlarini keltiradi Tuttomercatoweb.
Boga 2022 yilning 24 yanvarida "Sassuola"dan "Atalanta"ga ko‘chib o‘tdi. Shartnoma 2026 yilgacha amal qiladi.
