«Derbi Kaunti» bosh murabbiyi Ueyn Runi «Manchester Yunayted»da o‘ynayotganida alkogol bilan bog‘liq muammolarga duch kelganini tan oldi.

«Ichkilikdan chiqib ketishni o‘rganish uchun ko‘p vaqt kerak bo‘lgandi. Ichgandan keyin "boshog‘riq" qiynardi.

Men ko‘p xato qilganman. Xatolarimning ba’zilari matbuotda chiqqan, ba’zilari — yo‘q. Bu odatlardan chiqib ketishim qiyin bo‘lgan. Natijada bosh murabbiy Aleks Fergyuson va oilam bilan muammolarga duch kelgandim.

Shunday paytlar bo‘lganki, ikki kun futbol bo‘lmasa, qayergadir berkinib olib, boshimdan hamma narsani chiqarib tashlash uchun shunchaki ichardim. Men ichishni yaxshi ko‘rardim, ammo ahvolim og‘ir edi.

Barchasi yig‘ilib bordi: terma jamoa va «MYU» safidagi o‘yinlar, shaxsiy hayotimdagi voqealar tufayli yuzaga kelgan bosim. Men shunday muhitda katta bo‘lganmanki, bunday muammolarni kimgadir gapirish yoki kimdandir yordam so‘rash mumkin emasdi. Barchasini o‘zing hal qilishing kerak edi.

Hayotimda qandaydir muammoga kelgan bo‘lsa, ularning barchasi alkogol bilan bog‘liq. "Sog‘" paytimda esa hech qanday muammo yuzaga kelmagan. Shu bois, o‘zim muammolarni hal qilishimga to‘g‘r kelgan. Endi esa alkogol bilan munosabatlarim yaxshi. Muammo yo‘q. Vaqti-vaqti bilan ichib turaman, ammo avvalgidek emas. Hammasi nazorat ostida. Ammo o‘zimni hech qachon "alkash" deb hisoblamaganman», – dedi Runi o‘zi haqidagi hujjatli filmda.