Himoyachi Sesar Aspilikueta va yarim himoyachi Meyson Maunt "Plimut"ga qarshi o‘yinda jarohat oldi, deya xabar berdi "Chelsi" rasmiy sayti.
Tomas Tuxelning yordamchisi Arno Mixels jarohat olgan futbolchilar haqida gapirdi.
"Qo‘shimcha vaqtda Maunt darvoza tomon zarba berganidan so‘ng oyog‘ida og‘riq sezdi. O‘yin davomida bu katta muammo emas edi va u tezda nimadir noto‘g‘ri ekanini payqadi, shuning uchun biz uni almashtirdik.
Biz qo‘shimcha tekshiruv o‘tkazamiz va jiddiy muammolar bo‘lmasligiga umid qilamiz, ammo hozircha bu haqda aniq ma’lumotga ega emasman.
Ziyesh ham muammolarga duch keldi va Aspilikueta tizzasidan shikoyat qildi. Bu jarohatdan ko‘ra ko‘proq mushaklar muammosi. Umid qilamanki, ular ahamiyatsiz bo‘lib, ertaga yoki dushanba kuni futbolchilarimiz mashg‘ulotlarga qaytadi", - dedi yordamchi murabbiy.
