Ҳимоячи Сесар Аспиликуэта ва ярим ҳимоячи Мэйсон Маунт "Плимут"га қарши ўйинда жароҳат олди, дея хабар берди "Челси" расмий сайти.
Томас Тухелнинг ёрдамчиси Арно Михелс жароҳат олган футболчилар ҳақида гапирди.
"Қўшимча вақтда Маунт дарвоза томон зарба берганидан сўнг оёғида оғриқ сезди. Ўйин давомида бу катта муаммо эмас эди ва у тезда нимадир нотўғри эканини пайқади, шунинг учун биз уни алмаштирдик.
Биз қўшимча текширув ўтказамиз ва жиддий муаммолар бўлмаслигига умид қиламиз, аммо ҳозирча бу ҳақда аниқ маълумотга эга эмасман.
Зиеш ҳам муаммоларга дуч келди ва Аспиликуэта тиззасидан шикоят қилди. Бу жароҳатдан кўра кўпроқ мушаклар муаммоси. Умид қиламанки, улар аҳамиятсиз бўлиб, эртага ёки душанба куни футболчиларимиз машғулотларга қайтади", - деди ёрдамчи мураббий.
