Kataloniyaning "Barselona" jamoasi himoyachisi Jerar Pike mavsum oxirida faoliyatini yakunlashi mumkin, deya xabar berdi "Sport" nashri.
Ma’lumotlarga ko‘ra, Pike hali ham "Barselona"ning asosiy o‘yinchisi bo‘lishi uning faoliyatini davom ettirishga yetarli sabab bo‘lolmaydi.
"Ko‘k-anorranglilar" rahbariyati allaqachon Pikega o‘rinbosar izlashni boshlagan. Nomzodlar "Chelsi" himoyachilari Sesar Aspilikueta va Andreas Kristensen.
Qayd etish joiz, 35 yoshli himoyachining "Barsa" bilan amaldagi shartnomasi 2024 yilda yakuniga yetadi. U hozirgacha kataloniyaliklar safida 592 ta o‘yinda ishtirok etgan.













