Каталониянинг "Барселона" жамоаси ҳимоячиси Жерар Пике мавсум охирида фаолиятини якунлаши мумкин, дея хабар берди "Sport" нашри.
Маълумотларга кўра, Пике ҳали ҳам "Барселона"нинг асосий ўйинчиси бўлиши унинг фаолиятини давом эттиришга етарли сабаб бўлолмайди.
"Кўк-анорранглилар" раҳбарияти аллақачон Пикега ўринбосар излашни бошлаган. Номзодлар "Челси" ҳимоячилари Сесар Аспиликуэта ва Андреас Кристенсен.
Қайд этиш жоиз, 35 ёшли ҳимоячининг "Барса" билан амалдаги шартномаси 2024 йилда якунига етади. У ҳозиргача каталонияликлар сафида 592 та ўйинда иштирок этган.
