Italiya terma jamoasi bosh murabbiyi Roberto Martinesdan termaga chaqiruv olgan Mario Balotelli Turkiya Superligasida o‘zgacha ishtiyoq bilan o‘ynamoqda.
«Adana Demirspor» klubining navbatdagi o‘yinida u dubl qayd etdi.
Bu muvaffaqiyat evaziga uning jamoasi «Rizespor»ni mag‘lub etib, turnir jadvalida uchinchi pog‘onaga ko‘tarilib oldi. Jamoa «Trabzonspor»dan o‘n yetti ochko, «Konyaspor»dan esa sakkiz ochko ortda qolmoqda. Biroq «Adana Demirspor»da o‘yinlar soni kamroq.
O‘tgan yildan buyon Turkiyada to‘p surayotgan Balotellining shaxsiy muvaffaqiyatlariga kelsak, hozirda u o‘n bitta golga ega - chempionatda 10 ta va kubokda 22ta o‘yinda raqiblari darvozasini ishg‘ol qilgan.
