“Barselona” “Inter” yarim himoyachisi Marselo Brozovichga shartnoma taklif qildi, deb xabar beradi La Reppublica nashri.

Manba bergan xabarga ko‘ra, kataloniyaliklar futbolchiga yiliga 8 million yevro maosh bilan 5 yillik shartnoma taklif qilgan. “Neradzurrilar” esa xorvatga 4 yillik shartnoma taklif qildi va unga ko‘ra Brozovich yiliga 6 million yevro maosh ishlab topishi mumkin bo‘ladi.

29 yoshli yarim himoyachining “qora-ko‘klar” bilan amaldagi shartnomasi joriy mavsum oxirigacha mo‘ljallangan. “Inter” futbolchi bilan shartnomani uzaytirishini astoydil istamoqda.