«Inter» bosh murabbiyi Simone Indzagi Italiya kubogining chorak final bosqichida bo‘lib o‘tgan «Roma»ga qarshi o‘yin (2:0) borasida o‘z fikrini bildirib o‘tdi.

«Yigitlar juda yaxshi o‘ynashdi, qiyin uchrashuv bo‘ldi. «Roma» — ajoyib tarkibga ega bo‘lgan kuchli jamoa. Biz o‘yinni yaxshi nazorat qildik va yarim finalga haqli edik. «Roma», «Milan», «Napoli» va «Liverpul» kabi jamoalarga qarshi o‘ynaganingda, raqib bosim o‘tkazadi va shu bilan birgalikda sizda imkoniyatlar yuzaga keladi. Bugun biz bunday bosimga yaxshi dosh berdik va raqib darvozamiz oldida ko‘p vaziyat yarata olmadi», — dedi Indzagi.

Eslatib o‘tamiz, «Inter» yarim finalda «Milan» — «Lasio» juftligi g‘olib bilan to‘qnash keladi.