«Интер» бош мураббийи Симоне Индзаги Италия кубогининг чорак финал босқичида бўлиб ўтган «Рома»га қарши ўйин (2:0) борасида ўз фикрини билдириб ўтди.

«Йигитлар жуда яхши ўйнашди, қийин учрашув бўлди. «Рома» — ажойиб таркибга эга бўлган кучли жамоа. Биз ўйинни яхши назорат қилдик ва ярим финалга ҳақли эдик. «Рома», «Милан», «Наполи» ва «Ливерпуль» каби жамоаларга қарши ўйнаганингда, рақиб босим ўтказади ва шу билан биргаликда сизда имкониятлар юзага келади. Бугун биз бундай босимга яхши дош бердик ва рақиб дарвозамиз олдида кўп вазият ярата олмади», — деди Индзаги.

Эслатиб ўтамиз, «Интер» ярим финалда «Милан» — «Лацио» жуфтлиги ғолиб билан тўқнаш келади.