FIFA matbuot xizmatining xabar berishicha, jahon chempionati chiptalari uchun o‘n yetti milliondan ortiq so‘rov kelib tushgan. Amaldagi mavjud chiptalar soni esa ikki millionni tashkil qiladi xolos.
Tashkilot so‘rovlarni ko‘rib chiqmoqda. 8 mart kuni ularni tarqatilishi kutilmoqda. Chiptalarni sotishning birinchi bosqichi ertaroq yakunlandi.
Savdo shartlariga ko‘ra, biletlar chet el fuqarolariga 61 yevrodan sotiladi. Qatar aholisi uchun esa 10 yevrodan imtiyoz mavjud.
FIFA jahon chempionatidan chiptalar savdosi va boshqa tijorat daromadlaridan 435 million yevrodan ortiq daromad olishni kutmoqda.