Ispaniyaning "Sevilya" klubida ijara asosida o‘ynayotgan hujumchi Antoni Marsyal yanvar oyida qaysi klublarda bo‘lishi mumkinligi haqida gapirdi. Fransiyalik futbolchining so‘zlariga ko‘ra, uning xizmatlariga “Barselona” va “Yuventus” klublari qiziqish bildirishgan.
“Barselona” yanvar oyida agentim bilan gaplashdi, “Yuventus” meni o‘z safiga qo‘shib olishga urindi va juda qattiq turib oldi – bu haqiqat. Biroq, mening tanlovim "Sevilya" edi. Bu yerda menda asosiy o‘yinchi bo‘lish, o‘zim xohlagandek asosiyda o‘ynash imkoniyati bor”, - deydi futbolchi.
Eslatib o‘tamiz, "Sevilya" va "Manchester Yunayted" o‘rtasidagi ijara shartnomasida Marsiyal uchun to‘lov miqdori ko‘zda tutilmagan.
