"Barselona" La Liga bilan hamkorlik qiluvchi CVC investisiya fondi bilan kelishuvga tayyor, deya xabar beradi jurnalist Adria Soldevila.
Manbaga ko‘ra, kataloniyaliklar shartnomani klub 300 million yevrodan ko‘proq olishi sharti bilan imzolaydi va o‘yinchilarni xarid qilish uchun sarflash uchun 15 foizlik cheklovga ega bo‘lmaydi.
Dastlabki kelishuvga ko‘ra, klub taxminan 270 million yevro olishi kerak edi. Biroq, o‘yinchilarni sotib olish uchun faqat 15% ajratiladi. Qolgan mablag‘lar qarzni to‘lashga (15%) va infratuzilmaga (70%) yo‘naltiriladi.
Xabar qilinishicha, Goldman Sachs shartnomani yopishga yordam beradi.