"Milan" himoyachisi Teo Ernandes klub bilan shartnoma uzaytirilgani haqida fikr bildirdi.

"Men baxtliman. "Milan"dagi birinchi kundanoq murabbiy va jamoa bilan ajoyib vaqt o‘tkazdim, rahbariyatdan qoniqish hosil qildim. Shu bois shartnomani uzaytirishga qaror qildim.

Ha, ko‘p klublar menga qiziqish bildirishdi, lekin men faqat shu yerda qolish haqida o‘yladim.

Muxlislar bizni qo‘llab-quvvatlayotganidan xursandman, jamoa bilan munosabatim yaxshi, qiz do‘stim va men tez orada farzandli bo‘lamiz. Men Milanda baxtliman", - deya Ernandesning so‘zlaridan iqtibos keltiradi "Football Italia".