«Real» ustozi Karlo Anchelotti La Liganing 24-tur doirasida «Vilyarreal» (0:0) jamoasiga qarshi bo‘lib o‘tgan o‘yindan keyingi fikrlari bilan o‘rtoqlashdi.

«Ikkinchi bo‘limdan qoniqdim, birinchi bo‘limga qaraganda yaxshiroq o‘ynadik. Tanaffusdan keyin gol kiritish uchun ko‘plab imkoniyatlarga ega bo‘ldik, shu ruhda davom etishimiz kerak.

Birinchi bo‘limda bizda tajovuzkorlik yetishmadi. Orqaga qaytish mumkin, lekin tajovuzkor o‘yin ko‘rsatish kerak, shu narsa bizda birinchi bo‘limda bo‘lmadi. Ikkinchi bo‘limda esa raqibdan ko‘p hollarda to‘pni olib qo‘ydik.

Biroz omadimiz kelmadi, chunki, ikkita zarbamiz raqib darvozasi ustuniga tegdi. Shuningdek, raqib posboni yaxshi seyvlarni amalga oshirdi. Ular aniqroq harakat qilishdi, ammo biz g‘alaba qozonishimiz mumkin edi.

Beyl yaxshi o‘ynadi. Biz undan maydonda qandaydir ishlarni qilishini so‘radik va u talabimizni yaxshi bajardi. Ikkinchi bo‘limda unda golli vaziyat bo‘lgandi, biroq uning omadi kelmadi.

La Liga – haligacha barcha uchun murakkab turnir. G‘alaba qozonmadingmi, senga qiyin bo‘ladi», – dedi Anchelotti.