Marca nashri xabariga ko‘ra, "Atletiko Madrid" kelasi mavsumda Chempionlar ligasida ishtirok eta olmasa, ba’zi top futbolchilarini sotishga majbur bo‘lishi mumkin.

Manbaga ko‘ra, “matraschilar” Chempionlar ligasida qatnashgani uchun UYEFA tomonidan to‘lovlar amalga oshirilmasa, moliyaviy muammolarga duch keladi. Bunda klub jamoa yetakchilaridan – darvozabon Yan Oblak, yarim himoyachilar Joau Feliks va Markos Lyorenteni sotishga majbur bo‘ladi.

Ayni damda "Atletiko" La Ligada 6-o‘rinda va Chempionlar Ligasi zonasidagi jamoadan ikki ochko ortda qolmoqda.

22 yoshli Feliks joriy mavsumda 21 ta o‘yinda maydonga tushib, 3 ta gol va 3 ta golli uzatmani amalga oshirdi. 27 yoshli Lyorente 21 uchrashuvda ikkita golli uzatmani o‘z hisobiga yozib qo‘ygan. 29 yoshli Oblak 31 ta o‘yin o‘tkazib, 42 ta gol o‘tkazib yuborgan.