Marca нашри хабарига кўра, "Атлетико Мадрид" келаси мавсумда Чемпионлар лигасида иштирок эта олмаса, баъзи топ футболчиларини сотишга мажбур бўлиши мумкин.

Манбага кўра, “матрасчилар” Чемпионлар лигасида қатнашгани учун УЕФА томонидан тўловлар амалга оширилмаса, молиявий муаммоларга дуч келади. Бунда клуб жамоа етакчиларидан – дарвозабон Ян Облак, ярим ҳимоячилар Жоау Феликс ва Маркос Льорентени сотишга мажбур бўлади.

Айни дамда "Атлетико" Ла Лигада 6-ўринда ва Чемпионлар Лигаси зонасидаги жамоадан икки очко ортда қолмоқда.

22 ёшли Феликс жорий мавсумда 21 та ўйинда майдонга тушиб, 3 та гол ва 3 та голли узатмани амалга оширди. 27 ёшли Льоренте 21 учрашувда иккита голли узатмани ўз ҳисобига ёзиб қўйган. 29 ёшли Облак 31 та ўйин ўтказиб, 42 та гол ўтказиб юборган.