«Ayaks» bosh direktori Edvin van der Sar klubning sobiq sport direktori Mark Overmarsning ishdan bo‘shatilishi sirlarini oshkor qildi.

Uning so‘zlariga ko‘ra, 7 fevral kuni Overmars ayol hamkasblariga elektron chatlar orqali nomaqbul xabarlar yozgani ma’lum bo‘ldi.

Keyinchalik, u xodimlardan biriga bexayo suratlarni yuborgani haqida ham ma’lumotlar paydo bo‘ldi. «Ayaks» keyinchalik uni iste’foga chiqarishga qaror qilgan.

28 yanvar kuni Overmars «Ayaks» bilan shartnomasini rasman 2026 yilgacha uzaytirgandi. Biroq «Ayaks» keyinroq ichki tekshiruv o‘tkazdi va shundan so‘ng rasmiy bayonot berdi.