"Atalanta" bosh murabbiyi Jan Pyero Gasperini Italiya chempionatining 25-turi doirasidagi "Yuventus"ga (1:1) qarshi o‘yindan so‘ng jurnalistlar bilan suhbatlashishdan bosh tortdi.

Gasperini o‘rniga OAV oldiga jamoa direktori Umberto Marino chiqdi.

“Keling, jiddiy bo‘lib, boshqa o‘yinlarda va bugungi o‘yinda sodir bo‘lgan voqealarga munosabat bildiraylik. Aytmoqchimanki, bu qizil kartochka va penalti edi, ikkalasi ham aniq. Bu “Atalanta” uchun juda yaxshi o‘yin bo‘ldi, biz to‘g‘ri munosabatda bo‘ldik, ammo so‘nggi daqiqalarda bizga omad yetishmadi. Bugun o‘ynaganlarni maqtashimiz kerak, chunki ular buyuk "Yuventus"ga qarshi o‘yinda o‘zlarini bir xil darajada ekanligini ko‘rsatdilar", - deydi Marino.