Madridning “Atletiko” klubi bosh murabbiyi Diyego Simeone xorijlik murabbiylar orasida La Ligada eng ko‘p g‘alaba qozonish bo‘yicha rekordchiga aylandi.

Ispaniya chempionatining 24-turi doirasidagi “Xetafe” ustidan qozonilgan g‘alaba (4:3) Simeone uchun La Ligadagi bosh murabbiy sifatidagi 235-g‘alabasi bo‘ldi. Bu orqali Diyego 20-asrning ikkinchi yarmida La Ligada murabbiylik qilgan vengriyalik Ferdinand Dauchikning natijasini ortda qoldirishga erishdi.

Ma’lumot o‘rnida, Ferdinand “Barselona”, “Atletiko”, “Atletik” va “Sevilya” kabi klublarini boshqargan.