Мадриднинг “Атлетико” клуби бош мураббийи Диего Симеоне хорижлик мураббийлар орасида Ла Лигада энг кўп ғалаба қозониш бўйича рекордчига айланди.
Испания чемпионатининг 24-тури доирасидаги “Хетафе” устидан қозонилган ғалаба (4:3) Симеоне учун Ла Лигадаги бош мураббий сифатидаги 235-ғалабаси бўлди. Бу орқали Диего 20-асрнинг иккинчи ярмида Ла Лигада мураббийлик қилган венгриялик Фердинанд Даучикнинг натижасини ортда қолдиришга эришди.
Маълумот ўрнида, Фердинанд “Барселона”, “Атлетико”, “Атлетик” ва “Севилья” каби клубларини бошқарган.
