Chempionlar ligasi 1/8 finalining ilk uchrashuvida Madridning “Real” klubi safarda Fransiyaning “PSJ” jamoasi bilan uchrashdi. Karlo Anchelotti shogirdlari so‘nggi daqiqalarda o‘z darvozasidan gol o‘tkazib yuborib, 0:1 hisobida mag‘lub bo‘ldi. Yagona gol Kilian Mbappe nomiga yozildi.
Qayd etish joizki, kecha “qaymoqranglilar” hujum chizig‘i nihoyatda passiv o‘yin ko‘rsatishdi. Madridliklar butun o‘yin davomida raqib darvozasiga bor yo‘g‘i uchta zarba yo‘lladi. Opta Sports nashri xabariga ko‘ra, bu "Real Madrid"ning 2003/2004 yilgi mavsumdan beri Chempionlar ligasidagi eng yomon ko‘rsatkichidir.
Eslatib o‘tamiz, javob o‘yini 9 mart kuni Madriddagi "Santyago Bernabeu" stadionida bo‘lib o‘tadi.
