Isroilda o‘tkazilayotgan dzyudo bo‘yicha “Katta dubulg‘a” musobaqasining ikkinchi kuni hamyurtlarimiz uchun muvaffaqiyatli o‘tmoqda. Biroz avval -73 kg vazn toifasida ishtirok etayotgan vakilimiz Obidxon No‘’monov final yo‘llanmasini qo‘lga kiritdi.
Namanganlik polvonimiz dastlab Dominikan vakilini mag‘lubiyatga uchratdi. Keyingi bahsda Rio-2016 Olimpiadasi finalchisi Rustam Orujov tatamiga chiqmagani uchun Obidxon chorak finalga yo‘l oldi. Ushbu bosqichda u Germaniya, yarim finalda Qozog‘iston vakillarini mag‘lubiyatga uchratib, kechki dasturda chempionlik uchun kurashadigan bo‘ldi. Hamyurtimizga oltin medal uchun ozarbayjonlik Hidoyat Heydarov raqiblik qiladi.
Ta’kidlash joiz, No‘’monov IJF tasnifidagi musobaqalarda shaxsiy dasturda hali shohsupaga ko‘tarilmagan. Faoliyatidagi dastlabki jiddiy finalda hamyurtimizga omad tilab qolamiz.
