Londonning «Chelsi» klubi darvozaboni Eduar Mendi zo‘ravonlikda ayblanayotgan «Manchester Siti» himoyachisi Benjamin Mendi haqidagi xabarlar ostida "ko‘klar" posbonini surati joylashtirilayotganini esga oldi.
«Bu menga juda qattiq ta’sir qilmoqda. Bu mening imijimga hujum qilmoqda. Suratlarim men qilmagan narsalar bilan bog‘langan bo‘lsa, men buni qabul qila olmayman, chunki bu xatodan mening oilam jabr ko‘rishini istamayman.
Men Mendiman, Eduar Mendiman, «Chelsi» darvozaboniman. Boshqa klubga tegishli bo‘lgan Mendilar ham bor. Hamma joylarda o‘qiladigan gazetalar haqida gapiryapmiz. Bunday noprofessionallikni oddiy qabul qilish oson emas», – dedi Eduar RTL bilan suhbatda.
