Лондоннинг «Челси» клуби дарвозабони Эдуар Менди зўравонликда айбланаётган «Манчестер Сити» ҳимоячиси Бенжамин Менди ҳақидаги хабарлар остида "кўклар" посбонини сурати жойлаштирилаётганини эсга олди.
«Бу менга жуда қаттиқ таъсир қилмоқда. Бу менинг имижимга ҳужум қилмоқда. Суратларим мен қилмаган нарсалар билан боғланган бўлса, мен буни қабул қила олмайман, чунки бу хатодан менинг оилам жабр кўришини истамайман.
Мен Мендиман, Эдуар Мендиман, «Челси» дарвозабониман. Бошқа клубга тегишли бўлган Мендилар ҳам бор. Ҳамма жойларда ўқиладиган газеталар ҳақида гапиряпмиз. Бундай нопрофессионалликни оддий қабул қилиш осон эмас», – деди Эдуар RTL билан суҳбатда.
