«Roma» bosh murabbiyi Joze Mourinyo jamoaning o‘ng qanot himoya chizig‘i futbolchilaridan norozi.

Shu sabab murabbiy rimliklar rahbariyatidan darhol yangi himoyachi sotib olishni iltimos qildi. Klub rahbariyati Doneskning «Shaxtyor» klubi a’zosi Dodoni qisqa ro‘yxatiga kiritdi. “Asromalive.it” nashri xabariga ko‘ra, braziliyalikning transferi «Roma»ga 20-25 million yevroga tushishi mumkin.

Avvalroq Dodoga «Tottenxem» ham qiziqish bildirgani xabar qilingandi. Shuningdek, futbolchiga London jamoasidan tashqari «Real», «Atletiko» va «Bavariya» ham davogarlik qilmoqda.