"Liverpul" ustozi Yurgen Klopp jamoa hujumchisi Muhammad Salohni maqtadi.

Saloh kecha "Norvich" darvozasiga "Liverpul" tarkibidagi 150-golini kiritdi.

"To‘g‘risini aytsam, bugun u bema’ni gol urdi. Uning "Chelsi"ga urgan golini eslayman: qanotdan kutilmaganda uzoq burchakka zarba bergandi va "ko‘klar" darvozasini ishg‘ol etgandi. Yana bir nechta golini dribling ishlatib urgan: "Manchester Siti"ga, "Uotford"ga. Uning "Manchester Yunayted"ga urgan goli menga yoqqandi. Hisob 2:0 bo‘lganida golli uzatmani Alisson amalga oshirgandi. Shuningdek, YECHLda "Manchester Siti" darvozasiga kiritgan goli yoqqan, chunki bu gol "Manchester Siti" darvozasiga kiritilgani uchun emas, balki, muhim gol bo‘lgani uchun yoqqandi.

"Salohning kiritgan barcha 150 ta golini eslay olmayman, lekin ularning aksariyatini eslayman, ularning aksariyati muhim gollar edi. O‘ylashimcha, u birinchi golini "Uotford" darvozasiga kiritgandi. Bilishimcha, bu Salohning mening qo‘l ostimdagi eng oson goli bo‘lsa kerak. Agar kecha jamoadagi dastlalki golini kiritgan Luis Dias ham Salohning natijasini qayd etsa, bu juda ajoyib bo‘lardi! Salohning "Uotford"ga qarshi o‘yinda kiritgan dastlabki golidan keyin qisqa vaqt ichida yana 149 ta gol kiritishini hech kim kutmagan edi. Bu alohida narsa", — Kloppning so‘zlaridan iqtibos keltirmoqda "Liverpul" rasmiy sayti.