Avval xabar berganimizdek, “Sho‘rtan” jamoamiz yangi mavsumga turtinchi boqichini shu yilning 10 fevralidan boshlab, G‘uzordagi o‘z qarorgohida tayyorgarlik mashg‘ulotlarini boshlagan edi.
Rejaga asosan bosh murabbiy Asror Aliqulov o‘z shogirdlari bilan yig‘inni bugundan e’tiboran Toshkent shahrida davom ettiradigan bo‘ldi.
Poytaxtdagi yig‘ini 20-26 fevral kunlari davom etadi. Bevosita yig‘inga to‘xtaladigan bo‘lsak, mashg‘ulotlar bilan birgalikda “Oq bo‘rilar” jamoasi futbolchilarining jismoniy taktik faoliyatini kuchaytirish va o‘yin amaliyoti malakasini oshirish maqsadida bir nechta nazorat o‘yinlarini tashkil etish ham rejadan o‘rin olgan.
Bu orqali murabbiylar guruhi tarkibda shug‘ullanayotgan futbolchilar imkoniyatlarini yanada chuqurroq bilib olishni va o‘ylangan taktik sxemaga moslashtirishni maqsad qilishgan.
Ko‘taringki kayfiyat mavsumga puxta hozirlik ko‘rish, jamoaviy o‘yinni shakllantirish maqsadida ertaga Toshkentning "Bunyodkor" klubi bilan nazorat uchrashuvi tashkil etiladi.
Har ikki jamoa vakillarining o‘zaro kelishuviga ko‘ra, mazkur o‘yin soat 15:30da Toshkent shahridagi "Qibray" sport majmuasi zaxira maydonida boshlanadi.
