"Arsenal" sobiq futbolchisi Jek Uilshir Daniyaning "Orxus" jamoasi bilan shartnoma imzolagandan keyingi fikrlari bilan o‘rtoqlashdi.
"O‘ylaymanki, menga nisbatan yomon munosabatda bo‘lib qolishdi. Men Angliya va Shotlandiyalarning bir qator klublariga qo‘ng‘iroq qildim, lekin ularning barchasidan bir xil javob oldim: "sen yaxshi futbolchisan, ammo ko‘p jarohat olasan". Men uzoq vaqtdan beri jarohat olmagandim, lekin so‘nggi jarohatim jiddiy edi.
O‘ylashimcha, men o‘zimni isbotlash imkoniyatiga loyiqman. Maydonda hali ko‘p foyda olib kelishga kuchim yetishini isbotlamoqchiman. Bilasizmi, farzandingizga hech kimga kerak emasligingizni aytish juda qiyin.
Hozir murabbiylik kursida tahsil olyapman, lekin bu meni futbolchilik faoliyatimni yakunlanimni anglatmaydi.
Menga mashg‘ulotlarda ishtirok etish uchun ruxsat bergani va sharoit yaratib bergani uchun "Arsenal"dan minnatdorman va menga shartnoma taklif qilishmaganidan xafa emasman", — futbolchining so‘zlaridan iqtibos keltirmoqda Marca nashri.
