"Арсенал" собиқ футболчиси Жек Уилшир Даниянинг "Орхус" жамоаси билан шартнома имзолагандан кейинги фикрлари билан ўртоқлашди.

"Ўйлайманки, менга нисбатан ёмон муносабатда бўлиб қолишди. Мен Англия ва Шотландияларнинг бир қатор клубларига қўнғироқ қилдим, лекин уларнинг барчасидан бир хил жавоб олдим: "сен яхши футболчисан, аммо кўп жароҳат оласан". Мен узоқ вақтдан бери жароҳат олмагандим, лекин сўнгги жароҳатим жиддий эди.

Ўйлашимча, мен ўзимни исботлаш имкониятига лойиқман. Майдонда ҳали кўп фойда олиб келишга кучим етишини исботламоқчиман. Биласизми, фарзандингизга ҳеч кимга керак эмаслигингизни айтиш жуда қийин.

Ҳозир мураббийлик курсида таҳсил оляпман, лекин бу мени футболчилик фаолиятимни якунланимни англатмайди.

Менга машғулотларда иштирок этиш учун рухсат бергани ва шароит яратиб бергани учун "Арсенал"дан миннатдорман ва менга шартнома таклиф қилишмаганидан хафа эмасман", — футболчининг сўзларидан иқтибос келтирмоқда Marca нашри.