«Yuventus» safida ijara asosida o‘ynayotgan «Atletiko Madrid» hujumchisi Alvaro Morata qishki transfer oynasida «Barselona»ga amalga oshmay qolgan transfer haqida fikr bildirdi:

«Hozir bu muhim emas. Allegri bilan gaplashdim, u men va Vlaxovichdan ko‘p narsa kutayotganini aytdi. Uning transferi mening o‘yinimga ham yordam berishini ta’kidladi va shunday ham bo‘ldi. «Yuventus»da baxtliman. Agar menga qolsa, Turinda abadiy qolardim», — deydi Morata.

Joriy mavsumda 29 yoshli ispaniyalik futbolchi barcha turnirlarda 33 ta o‘yinda maydonga tushib, 8 ta gol va 6 ta golli uzatmani amalga oshirdi.