«Ювентус» сафида ижара асосида ўйнаётган «Атлетико Мадрид» ҳужумчиси Алваро Мората қишки трансфер ойнасида «Барселона»га амалга ошмай қолган трансфер ҳақида фикр билдирди:

«Ҳозир бу муҳим эмас. Аллегри билан гаплашдим, у мен ва Влаховичдан кўп нарса кутаётганини айтди. Унинг трансфери менинг ўйинимга ҳам ёрдам беришини таъкидлади ва шундай ҳам бўлди. «Ювентус»да бахтлиман. Агар менга қолса, Туринда абадий қолардим», — дейди Мората.

Жорий мавсумда 29 ёшли испаниялик футболчи барча турнирларда 33 та ўйинда майдонга тушиб, 8 та гол ва 6 та голли узатмани амалга оширди.