"Roma"ning hujumkor yarim himoyachisi Nikolo Dzanyolo klub bilan shartnomani uzaytirish bo‘yicha muzokaralarga kirishmadi, deya xabar beradi jurnalist Nikolo Skira.
“Yuventus” esa ushbu vaziyatdan unumli foydalanish niyatida, ular futbolchining atrofidagilar bilan kelasi yozda amalga oshishi mumkin bo‘lgan ehtimoliy transfer borasida muzokaralarni davom ettirmoqda.
Eslatib o‘tamiz, 22 yoshli futbolchining rimliklar bilan shartnomasi 2024 yilning yoziga qadar tuzilgan.
Joriy mavsumda Dzanyolo "Roma" safida 28 ta o‘yinda maydonga tushib, 4 ta gol urdi va 5 ta golli uzatmani amalga oshirdi.
"Transfermarkt" portali futbolchining narxini 33 million yevroga baholamoqda.
