"Рома"нинг ҳужумкор ярим ҳимоячиси Николо Дзаньоло клуб билан шартномани узайтириш бўйича музокараларга киришмади, дея хабар беради журналист Николо Скира.
“Ювентус” эса ушбу вазиятдан унумли фойдаланиш ниятида, улар футболчининг атрофидагилар билан келаси ёзда амалга ошиши мумкин бўлган эҳтимолий трансфер борасида музокараларни давом эттирмоқда.
Эслатиб ўтамиз, 22 ёшли футболчининг римликлар билан шартномаси 2024 йилнинг ёзига қадар тузилган.
Жорий мавсумда Дзаньоло "Рома" сафида 28 та ўйинда майдонга тушиб, 4 та гол урди ва 5 та голли узатмани амалга оширди.
"Transfermarkt" портали футболчининг нархини 33 миллион еврога баҳоламоқда.
