"Barselona" himoyachisi Serjinyo Dest faoliyatini Italiya A seriyasida davom ettirishi mumkin. 21 yoshli futbolchining xizmatlariga "Roma" klubi qiziqish bildirmoqda, deb xabar beradi "Correira Dello Sport".

Manbaga ko‘ra, kataloniyaliklar amerikalikni 20 million yevroga sotishga tayyor, futbolchining o‘zi "Roma"ga o‘tishga qarshi emas.

Avvalroq, "Monako" futbolchini sotib olmoqchi ekani xabar qilingandi. Dest ispan jamoasiga 2020 yil oktyabr oyida “Ayaks”dan 21 million yevro evaziga kelib qo‘shilgan edi. Uning Kataloniya klubi bilan shartnomasi 2025 yilning 30 iyunida tugaydi. "Transfermarkt" portali ma’lumotlariga ko‘ra, futbolchining bozor qiymati 18 million yevroni tashkil qiladi.

Amerikalik futbolchi joriy mavsumda La Liganing 16 o‘yinida 3 ta golli uzatmani amalga oshirdi.