Tiago Silva jamoadoshi Romelu Lukaku haqida gapirdi.

Belgiyalik futbolchi Chempionlar ligasi 1/8 finali doirasidagi «Lill»ga (2:0) qarshi birinchi o‘yinni zaxirada o‘tkazdi. «Kristal Pelas»ga qarshi o‘tgan o‘yinda (1:0) u 90 daqiqa ichida bor-yo‘g‘i 7 marta to‘pga tegindi.

«Romelu klublar o‘rtasidagi jahon chempionatidagi eng muhim ikkita golni urdi. Biz unga yordam berishimiz kerak, uning iqtidorini va jamoa uchun qanchalik muhimligini bilamiz.

Ishonchim komilki, u «Chelsi»ning qolgan o‘yinlariga tayyor bo‘ladi», - deydi Silva.