«Liverpul» bosh murabbiyi Yurgen Klopp Jeyms Milnerning klub bilan yakunlangan shartnomasi haqida fikr bildirdi.

Nemis mutaxassisi tajribali futbolchi bilan shartnomani uzaytirmoqchi ekanligini aytdi.

«Milner mening birinchi kunimdan beri klubda. Usiz bu natijalarning barchasiga qanday erishgan bo‘lardim, bilmayman. "Liverpul"ni Milnersiz tasavvur ham qila olmayman», - deya Kloppning so‘zlaridan iqtibos keltirmoqda Fabrisio Romano.

Eslatib o‘tamiz, yarim himoyachining klub bilan shartnomasi 2022 yilning yozida yakuniga yetadi va tomonlar haligacha yangi shartnoma imzolashmagan. Britaniya matbuotiga ko‘ra, «Liverpul» Milnerga yangi shartnoma bo‘yicha taklif bilan chiqqan, biroq futbolchining o‘zi hamon javob bermagan.

Milner joriy mavsumda «Liverpul» safida 25 ta o‘yinda maydonga tushdi va 3 ta golli uzatmani amalga oshirdi.

Oldinroq Chempionlar ligasi doirasidagi «Inter»ga qarshi o‘yin Milner uchun faoliyatidagi 800-o‘yin bo‘lgani haqida xabar berilgandi.