Dortmundning «Borussiya» klubi bosh direktori Xans-Yoaxim Vatske Erling Xolandni jamoadan ketishi mumkinligi haqida gapirdi.
«Ishonchim komilki, yaqin bir necha hafta ichida hammasi hal bo‘ladi», dedi u Express bilan suhbatda.
«Buning uchun bir oy yoki olti hafta kerak bo‘ladi», deya qo‘shimcha qildi Vatske.
Xolandning nemis klubi bilan shartnomasi faqat 2024 yilda tugaydi, ammo Yevropa futboli yetakchilarining talabi «Borussiya»ga norvegiyalik futbolchini o‘z tarkibida saqlab qolish uchun kam imkoniyat qoldirmoqda.
Mish-mishlar hujumchini «Barselona», «Real» yoki Angliya Premyer-ligasining top-klublaridan biriga o‘tishi bilan bog‘lashmoqda.
