Yoqimli «Ayaks» va jangovor «Benfika». Bu o‘yinga uncha e’tibor bo‘lmadi, afisha yorqin emas. Biroq «Ayaks»ning natijalarini kuzatib borayotganlar ko‘p narsa kutishga xaqli edi. Shunday bo‘ldiyam. «Benfika» golli otishmaga rozilik berdi.

Dushan Tadich boshladi — 0:1. Yo‘lidan chiqqanga gol urayotgan va rekordlar qayd etayotgan Sebastyen Aller o‘z darvozasiga ham to‘p kiritishdan tiyila olmadi, 1:1. Ammo 3 daqiqada o‘ziga kelgach, borib raqibga ham gol urib keldi, 1:2. «Ayaks» yanada hisobni oshirishi mumkin edi, foydalanmadi. Xavfli zarbalarga turib bergan «Benfika» xarakter evaziga vaziyatni o‘zgartirdi. Yaremchuk hisobni tenglashtirdi, 2:2.

«Ayaks» Chempionlar ligasining ushbu mavsumida birinchi bor g‘alaba qozona olmadi, guruhda 100 foizlik natija ko‘rsatgandi. Aller 11 gol urish uchun eng kam o‘yin sarfladi — 7 ta. Avtogol bo‘lmaganda u eng yaxshi deb topilardi, lekin bu safar sovrin jamoadoshi Mazroviyga ketdi. Amsterdamda «Ayaks» favorit bo‘ladi, deb o‘ylayman.

Davron Fayziyev.