«Jenoa» bosh murabbiyi Aleksandr Blessin A Seriyaning 27-turi doirasida «Inter» bilan qayd etilgan durang (0:0) haqida fikr bildirdi.
- Dastlabki 30 daqiqada ajoyib ishladik. O‘shanda gol ura olamiz deb o‘yladim. Tanaffusdan so‘ng o‘zgarishlarni amalga oshirdik, jarohatlarimiz bor edi, so‘nggi 20 daqiqada esa shunchaki darvozamizni himoya qildik. Bu durang bizga omad kulib boqdi, lekin biz kuchli xarakter ko‘rsatdik va men o‘z jamoamning o‘yiniga juda qoyil qoldim. Men o‘tmish haqida gapirishni xohlamayman. Men shu yerdaman va hozir jamoaga o‘z uslubimni singdiryapman. Bunday vaziyatda biz ko‘p xatolarga yo‘l qo‘yishimiz aniq. So‘nggi o‘yinlarda biz haqiqatan ham ahmoqona to‘p yo‘qotishlarni amalga oshirdik, albatta bundan qochishimiz kerak. Biz to‘pni nazorat qilishimiz kerak, shu bois ikkinchi bo‘limda ko‘p to‘p yo‘qotganimizdan norozi bo‘ldim. Eng yaxshi jamoalarga qarshi imkoniyatga ega bo‘lganingizda, ulardan foydalanish kerak" - dedi Blessin Sky Sport Italia bilan suhbatda.
