Yakuniga yetgan O‘zbekiston Superkubogi bahsidan so‘ng (1:0), "Paxtakor" futbolchisi Dragan Cheran o‘yin haqida o‘z fikrlari bilan o‘rtoqlashdi.
- O‘tgan yili kubok finalidagi bahsdan keyin bu o‘yin katta ahamiyatga ega edi. Jamoalar bir-birini yaxshi biladi. G‘alaba qozonib, Superkubokni o‘zimizniki qilib oldik. Mavsumni endi boshlayapmiz va har bir o‘yinga tayyor turishimiz lozim.
Biz birgalikda o‘ynaymiz. Gollar urishimda jamoa yordam beradi. Shaxsiy maqsad qo‘ymayman. Jamoa bilan birga harakat qilamiz.
"Paxtakor" - ikkinchi uyim. Boshqa jamoaga o‘tish haqida umuman o‘ylamaganman, deydi serbiyalik futbolchi.
Eslatib o‘tamiz, o‘yindagi yagona golga aynan Dragan mualliflik qildi.
