Angliya liga kubogi musobaqasining final bahsi bo‘lib o‘tdi. "Uembli" stadionida bo‘lib o‘tgan o‘yinda «Chelsi» va «Liverpul» klublari to‘qnash kelishdi.

Uchrashuv davomida jamoalar golga tortadigan vaziyatlar yaratishdi. Ammo ba’zida darvozabonlar qahramonlik ko‘rsatishgan bo‘lsa, ba’zan futbolchilar zarba berishda noaniqlikka yo‘l qo‘yishdi. Ikkita gol esa VAR yordamida bekor qilindi. Shu tariqa, uchrashuvning asosiy va qo‘shimcha bo‘limlarida hisob ochilmadi.

Penaltilar seriyasida esa har ikki jamoaning 11 nafardan futbolchilari ishtirok etishdi. Tuxel o‘yin so‘ngida penaltilar seriyasi uchun Eduard Mendining o‘rniga Kepa Arrisabalagani tushirdi. Bu esa xato qaror bo‘lib chiqdi. Kepa 11 zarbaning birortasini qaytara olmagani yetmaganidek, eng so‘ngida o‘zi noaniq zarba berdi.

Natijada "Liverpul" o‘z tarixida to‘qqizinchi marta Angliya liga kubogi sovrinini qo‘lga kiritdi.

Angliya liga kubogi, final
Chelsi – Liverpul 0:0 (0:0, 0:0, 0:0, 0:0), penaltilar seriyasi - 10:11
Chelsi – Mendi (Arrisabalaga, 120), Aspilikueta (Djeyms, 57), Tiago Silva, Ryudiger, Chaloba, Alonso, Kovachich (Jorjinyo, 105), Kante, Pulishich (Verner, 74), Maunt (Lukaku, 74), Xaverts.
Liverpul – Kellexer, Aleksander-Arnold, Matip (Konate, 90), van Deyk, Robertson, Xenderson (Elliott, 79), Fabinyo, Keyta (Milner, 80), Salax, Mane (Diogu Jota, 80), Dias (Origi, 97).
Ogohlantirishlar: Kovachich (90), Kante (99), Aleksander-Arnold (105), Xaverts (105).