"Surxon" bosh murabbiyi Anxel Lopes "Olimpik"ga qarshi Superliga 1-turidan o‘rin olgan o‘yindan so‘ng (0:0) o‘z fikrlarini bildirdi.

"Avvalambor ikki jamoa uchun ham bugungi o‘yinga rahmat aytmoqchiman. O‘yinga to‘xtaladigan bo‘lsak, jamoam mavsum oldi tayyorgarlikka kam fursat sarflaganiga qaramasdan yaxshi o‘yin ko‘rsatdi. Hisob 0-0 bo‘lishiga qaramay o‘yin juda qiziqarli va shiddatli kechdi. Jamoalar kuchi teng bo‘lganligini sababli ikki jamoada ham bir qancha qulay vaziyatlar bo‘ldi. Mehmonda 1 ochkoni qo‘lga kiritish yaxshi, lekin biz o‘yin ohiriga qadar 3 ochko uchun harakat qildik.

Bu mavsumdagi asosiy maqsadlar haqida to‘xtalib o‘tadigan bo‘lsak, jamoaga 10ga yaqin yangi futbolchilar tashrif buyurgan. Jamoamiz mavsum davomida xali ancha o‘sib boradi. Mavsum yakuniga qadar yuqori o‘rinlar uchun harakat qilamiz", - dedi mutaxassis.